كل شئ عن النحافه , السمنه , خلطات الرجيم , الخ...

بسم الله الرحمن الرحيم
ازيكم يا بنات ؟
عملين ايه
المهم هذه بعض النصائح وان شاء الله تكون شامله ومفيده

=============================
الخلطات : قبل ما تحطين اى خلطه جربي منطقه صغيره من جسمك وانتظرى اقل شي يومين وشوفى اذا فيه احمرار او حكه او تشقق في طبقة الجلد العليا او اى اعراض غريبه يعنى هذه الخلطه ما تصلح لك

وهذه النوع من الخلطات اللى غالبا يكون فيه احماض او كريمات كميائيه
يعنى لازم اول نسأل عن الزيوت او الاعشاب المستخدمه بالخلطات مو من حريم وانما من ناس مختصه عشان ممكن يكون هذا الزيت عادى نستخدمه ولكن لما ينحط شي ثانى معاه يتحول الى مركب ثانى فلازم ننتبه والنت موجود دروى على خواص الاعشاب
اهم وصفه لجعل بشرتك جميله وخاليه من العيوب هوا انك دايم تحاولين ترطبينها
الترطيب مهم جدا للبشره بس الترطيب كل شي يدور على الترطيب
فازلين او نيفيا او زيت الزيتون هذه من اهم مرطبات البشره
عشان البشره تصير نظره ومهما بلغ فيها السن تبقى نظره لازم الترطيب واشدد عليه لانه هوا السر
وكل الصيدليات فيها انواع كريمات ترطيب وبكل الاسعار وبكل الاشكال والاحجام وطبعا احلاها واروعها هوا زيت الزيتون
احنا الحين المفروض نحاول اننا نخلى بشرتنا اطول قدر ممكن تكون نضره وصحيه اذا بالترطيب
والاكل الصحى
============================== ========
شد الجسم :كريمات شد الجسم هذه انا ضدها لانها اول شي اغلبها مو حقيقه ثانى شي فيها مواد كيمائيه راح تضرك ما فادتك وان وجد كم كريم كويس بس هذا يعنى مو نعتمد عليها اعتماد كلى ولكن مع الرياضه راح تنفع ***** الله
شد الجسم مافى مثل الرياضه المشى ما ينفع لازم الهروله ولازم تمارين مثل شد البطن و تمارين اخرى
وهذه اكيد نتائجها على مستوى بعيد شوي يعنى لازم تصبرين بس راح تستمر النتيجه معاك دايم
يعنى مو تسوين رياضه يومين وتقولين ما بان شي اقل شي لازم شهرين اذا رياضتك وسط
وبعدها تبدا النتائج تظهر ولكن لازم تستمرين
وكيف تعرفين خلى معاك متر تقيسين فيه محيط البطن و الفخوذ ومنطقة الارداف وسجلى وشوفى الفرق
============================== ==================== =

كريمات التبييض : كريمات التبييض كيفية استخدامها
اذا انتى بيضا و سمرتى من الشمس او اى عوامل ثانيه واستخدمتى هذه الكريمات راح يرجع لك بياض جسمك
لانها ترجعك لطبيعتك لكن لما تكونى سمرا وتبين شي يبيض هذا مو زين لا عليك ولا على بشرتك على مستوى بعيد
القصد ان الكريمات قد تبيض ولكن هذا يعنى انها تحتوى على اشياء كميائيه وان احتوت على الكولاجين
ولكن البيضا لما تستخدمه فانها ترجع جلدها لليباض الطبيعى قفط
الخلطات : الله يسعدكم قبل اى خلطه تستخدمونها حاولوا انكم تجمعون عنها اكبر قدر ممكن من المعلومات مو من الحريم ولكن من النت يعنى معلومات عن العشبه ونوعيتها وقد تكون عشبه مو مضره ولكن اذا اختلطت مع عشبه ثانيه قد تكون مضره
ولا تجربون اى خلطه ممكن خلطه معينه صلحت لوحده بس ممكن ما تصلح لك
فيه خلطات حلوه لانها اذا ما فادتك ما تضرك
============================== ===============
خلطات البشره تبع الوجه :
الخيار حلو ولكن وش رايك تجربين انك تاكلينه بكثره وشوفى كيف النتيجه
اقصد بدل ما ناخذ من نعمة ربي ونحط على الوجه ليه ما نجرب ناكلها كثير والله النتيجه راح تطلع روعه بس اصبرى عليها طبعا مو كل شي مثل البطاطس حلو لسواد العين بس ما اكل فيه كثير حيل اقصد الاشيا مثل الزبادى الخيار والفراوله وغيرها من الفواكه والخضروات
واحلا شي للبشره مويه الورد
قبل ما تنامين خلى عندك بخاخ اى بخاخ وحطى فيه مويه ورد ورشي على وجهك الين يغرق وجهك ولا تمسحينه ونامي فيه وشوفى النتيجه كيف اليوم الثانى
او حليب اذا انتهى تاريخه مثلا
============================== ================
السواد تحت العين: قد يكون وراثه وهذا ماله حل جذرى
اما اذا فيك السواد مو وراثه فلازم اول تشوفين وش المشكله ممكن ارهاق او ممكن تتعرضين للشمس كثير او احد اسباب السواد المعروفه
الحل
لازم ترتاحين وتاخذين قدر كافى من النوم يعنى حد الانسان 7 ساعات نوم
حاول انك تشربين المويه بكثره
حاولى انك لما تتعرضين للشمس تلبسين نظارات شمسيه لان منظقة تحت العينين منطقه تعتبر حساسه وسهله الدمار من حيث التجاعيد او الاسمرار
فلازم اول نعرف مصدر المشكله وبعدين نحاول نحلها
على العموم ابسط حل لها هوا شرائح البطاطس لما للبطاطس من خاصية امتصاص حلوه
============================== ==================== =

التنحيف : اسوء شي في التنحيف هوا حبوب التنحيف احذروها بجميع انواعها ومهما قالكم انها طبيعيه فاتاكدوا انه فيها شي مو طبيعى
وتراها مضره على المستوى البعيد
وكذالك بعض الاعشاب انتبهوا منها لانها تضر الكلى والكبد على المستوى المتوسط الامد
والتنحيف راح اعطيكم مو رجيم ولكن عادات في الاكل والشرب راح تحسن من هذه المشكله بس اخر الموضوع
============================== ====================
تطويل الشعر : الزيوت مفيده ولكن البعض منها وليست كلها ولكن اذا استخدمت بطريقه صحيحه
يعنى مثل زيت الزيتون ما يصير تدهنين في نفس جلده الراس ولا يوصل لجذور الشعر ولكن ادهنى فيه الشعر نفسه
عشان لا يسبب لك فروه دهنيه او تساقط زياده يعنى ادهن بس الشعر بدون الفروه
واهم عنايه للشعر هى عدم استخدام الاستشوار بكثره يعنى مره بالشهر ومستحضرات الشعر مثل المثبت وغيرها
والصبغات من اهم اسباب خشونة الشعر و تساقطه فيما بعد اذا كنتى تصبغين وما تهتمين فيه اذا صبغتى يعنى لازم تهتمين فيه بزياده
حاولى كل شهر تقصين منه حول سم واحد
بعد الحمام لا تمشطيه بفرشاة قاسيه او بطريقه قاسيه لان المسام يكون باقى مفتوح
الشامبو حاولى انك لا تحطينه مباشرة على شعرك اول على ايدك وبعدين خففيه بمويه ولازم يكون شعرك قبلها مبلل بشده عشان ما تستخدمين كمية كبيره من الشعر
وحاول انك تستمرين على شامبو واحد
والمويه لا تكون حاره حيل ولما تخلصين من الشور حاولى انك بالمنشفه تنشفينه بكل رفق وخليه يجف من الهواء الطبيعى
واهم شي التغذيه لازم تكثرون خضار لازم لازم اذا تبين كل شي فيك يكون صحى خضار وفواكه هذه مو بس للشعر وانما للبشره بعد
============================== ====================
التسمين : لا تجلسين تبلعين في زيت الخروع والحلبه بس حاولى تكتشفين وشو سبب النحافه بعضها وراثه وبعضها قد يكون بسبب الحرق الزائد للسعرات الحراريه الموجوده في جسمك وقد يكون الشهية غير منتظمه او عندك الهرمونات مو منتظمه او خلل بالجهاز الهضمى
لازم اول تعرفين سبب المشكله عشان تعرفين تحلينها
وابتعدى عن الخلطات لانها قد تزيد المشكله خصوصا اذا كان عندك مشكله بالجهاز الهضمى
============================== ===================
تسمين الخدود : لا تسوين رجيم بدون رياضه ورجيم غلط وتبين خدودك تسمن وجسمك ينحف هذه المعادله صعبة الحل اكيد
لازم التوازن التوازن مهم في كل شي واخر الموضوع راح اتكلم عن الرجيم
============================== ====================
الرجيمات وانواعها وانواع السمنه
سبحان الله فيه حريم تكون عندهم منطقه الارداف هى اسمن شي وبعضهم الكتوف وهذه كله بسبب تخزين الدهون
الرجيمات من اكبر غلط انك تمارسين رجيم ما يناسبك او تحرمين نفسك من اشيا معينه بعد كذا راح يطلع لك ردة فعل على جسمك وراح تاكلين اكثر من اول وبكذا ترجعين اسمن من اول
الرجيم الصح هوا انك
اولا شي ابدى يومك بكاسه الى كاستين مويه وحاولى ما تاكلين الا بعد ساعه او نص ساعه اذا مشغوله او عندك شي او جوعانه
ثانى شي
وجبة الافطار استبدليها بفواكه تفاح او حبحب او اناناس او اى فواكه صحن مشكل فواكه
الغدا حاول انه يحتوى على البروتين وخالى من الدهون وعلى سلطه ابداى الاكل بصحن السلطه وحاولى يكون فيها ليمون وخل
وبعدها ابدى بالوجبه الرئيسيه ولا تكثرين حطى لك مثلا لو رز خذى خمس ملاعق عاديه رز وبس وحطيها بصحن لك وابداى بالاكل وكلى بملعقه صغيره

العشاء شي خفيف مثل زبادى او صحن خضار او نشويات بس كميه قليله
وابتعدى عن النقنقه بين الوجبات كل ما جعتى او حسيتى انك تبين اكل اشربى مويه وانتظرى بعد 10 دقائق اذا باقى جوعانه كلى خس او خيار او جزر لانها هذه الخضار تعتبر من الخضار المشبعه
وكلى قد ما تبين منها
الخبز الابيض الشاندوتش والحلويات و المعجنات ابتعدى عنها
حاولى قبل كل وجبه بنص ساعه انك تشربين مويه كاسه او كاسه ونص
لا تحرمين نفسك من الاكل في وجبه الغدا مع اهلك كلى مثل ما ياكلون بس بكميه اقل وقبلها لازم تبدين بصحن سلطه
التمارين شد البطن و تمارين البطن بشكل عام هذه حلوه حاولى انك تعملينها كل يوم وانتى جالسه على المسلسل تبعك او الفلم وكل ما شفتى نفسك جالسه ماعندك شي سويها كذا مره من خمس مرات الى ما تشائين بس بالبدايه حبه حبه
هذه راح تخلى اتساع المعده يقل
التمارين والهروله
حبايبي لا تبدون بقوه لانكم متحمسين اول حاولى انك ترفعين من اللياقه وبعدين حبه حبه زودى المشى و الهروله عدد التمارين
وبكذا ما راح تملين لانك ما تعبتى

============================== ===================
بعض العادات الحلوه اللى ممكن نغيرها
النقنقه بين الوجبات اذا ما تستغنين عنها استبدليها ب خضار او زبادى او مويه
لا تاكلين عند التلفزيون
حاولى كل ما احد كلمك او كلمتى احد امشى وانتى تسولفين لفى البيت لين تقفلين السماعه
شرب الماء بكثره
لا للحلويات او المعجنات
حاولى لما تدخلين المطبخ ما تستخدمين الزيت بكثره يعنى كبسه مثلا حاولى انك تقللين من السعرات الموحوده فيها كيف
اشيل الجلد عن الدجاج والشحم عن اللحم قد ما اقدر
استخدم ملعقه وحده زيت احط فيه البصل واذا بدون يكون احسن وجربى ماراح تخسرين شي لان الدجاج واللحم فيه نسبه دهون فما راح تطلع لك الاكله ناشفه
حاولى ما تقلين كثير واذا مره مضطره لا تقلين بكمية زيت غزيره
البصل من الخضار الحارق كثرى من استخدامه مع السلطه في الاكل
جربوا تبدون تطبخون بشكل صحى
مثال : خذى دجاج وخضار مقطع وتبليهم ودخليهم الفرن هذه سهله وخفيفه وصحيه ومشبعه حتى لو الواحد اكل نص دجاجه

يعنى غيرى العادات في الاكل وطريقة الطبخ
حاولى انك تقومين بشغل البيت مع الشغاله لا تعتمدين على الشغاله دايم يعنى مثلا غرفتك النوم انتى رتبيها من والى
والطبخ انتى اطبخى
حاولى انك بين فتره وفتره تنزلين السوق بس لا تاخذين فلوس واتمشى فيه كذا راح تاخذين ممكن حول ساعتين مشي بدون اى تعب


تعبت وانا اكتب
والله اتمنى لكم الفائده وادعوا لى بالتوفيق والنجاح و***** الله انى قدرت افيدكم ولو بشكل بسيط
ملاحظه :
علمتني عن كل هذا وحده اعرفها قرتها بكتاب
ريووف الشمال.